Достапни линкови

logo-print

Истрага за флаерот кој ги поттикна бегалците на илегален влез во Македонија


Обвинителката од грчкиот Врховен суд Ефтерпи Коцамани му наложи на Јавното обвинителство во Солун да почне прелиминарна истрага за потеклото на флаерот што се делел меѓу бегалците и мигрантите во кампот во Идомени, со кој тии се повикуваат илегално да ја преминат границата со Македонија.

Според некои извори, како што јави МИА од Атина, Коцамани побарала од обвинителите да ги пронајдат одговорните за печатење и дистрибуција на флаерот во кампот за бегалци на границата меѓу Грција и Македонија, што охрабри неколку стотици луѓе на 14 март годинава да се обидат да влезат во Македонија преку помалку обезбедени делови на границата.

Флаерот, напишан на арапски, содржи инструкции, вклучувајќи и мапа и насоки за алтернативен пат по кој може да се премине границата.

XS
SM
MD
LG