Достапни линкови

logo-print

Ердоган - Турција одамна го заслужи Шенген договорот


Турскиот претседател Реџеп Таип Ердоган изјави дека Турција одамна го заслужила Шенген договорот, обвинувајќи ја Европската унија за неискреност во процесот за влез во ЕУ.

„Ние всушност одамна го заслуживме Шенген договорот. Официјално поднесовме барање за членство во 1963 година и во текот на тој процес, секогаш не залажуваа“, рече Ердоган за државата телевизија ТРТ.

„Никогаш не биле искрени и сè уште не се искрени“, додаде тој.

Турција и ЕУ во петокот постигнаа договор за ставање под контрола на приливот на мигранти во Европа, со кој Унијата ѝ вети на Анкара визна либерализација до крајот на јуни, забрзување на преговорите за членство, како и финансиска помош. За возврат, Анкара ќе ги прифати назад сите илегални мигранти, кои преминале од нејзина територија во Грција.

XS
SM
MD
LG