Достапни линкови

Колку спорни гласачи треба теренски да се проверуваат?


Лидерот на СДСМ Зоран Заев, кој денеска беше во посета на Велес, изјави дека само со целосно прочистување на Избирачкиот список и со реформите во медиумите може да има фер, регуларни и демократски избори. Тој додаде дека нема да поддржат процес на опструкции и избегнување на теренското прочистување на Избирачкиот список. Според него, треба теренски да се проверат над 200 илјади гласачи.

Владејачката ВМРО-ДПМНЕ, пак, реагира дека со денешната изјава Заев ја поништил Државната изборна комисија и си зел за право да одлучува и да говори во нејзино име. „Наместо ДИК, Заев зборуваше кои граѓани треба да бидат прогласени за спорни, кои треба да се прогласат за фантоми, па дури и за тоа кои граѓани треба да се избришат од избирачкиот список“, се наведува во соопштението од ВМРО-ДПМНЕ.

Државната изборна комисија вечерва одржува седница на која треба да биде разгледан и усвоен Извештајот со резултатите од вкрстената проверка на десет бази на податоци и да се утврди начин на постапување по неконзистентни записи во Избирачкиот список.

XS
SM
MD
LG