Достапни линкови

Во Косово уапсени две лица поради финансирање на борци на ИД


Архивска фотографија

Архивска фотографија

Во две одделни операции на косовската полиција уапсени се две лица под сомнение дека помагале за собирање пари и финансирање на борци за Исламска држава во Сирија и во Ирак. Едниот од осомничените е бизнисмен од Приштина кој ја користел фирмата за финансиска и логистичка поддршка на лицата кои врбувале доброволци за ИД и на самите доброволци кои заминале во конфликтните зони. Големиот број на луѓе, меѓу кои и вработени во неговата фирма, загинале на боиштата на Блискиот Исток. Другиот осомничен е приведен во Призрен, поради финансирање на двајца косовски граѓани кои сакале да се приклучат на ИД, а биле уапсени во декември, пред да го напуштат Косово. Приведениот набрзо бил ослободен.

Според полициски податоци околу 300 косовски граѓани се борат на страната на ИД, а повеќе од 50 се убиени. Над 100 луѓе се уапсени или под истрага за врбување на доброволци или за учество во конфликтите во Сирија и во Ирак.

Косовскиот суд минатата недела осуди маж на три години затвор бидејќи се борел на страната на ИД. Новиот закон предвидува до 15 години затвор за учество во странски конфликти.

XS
SM
MD
LG