Достапни линкови

logo-print

Почна протестот за одбрана на Уставот


Неколку илјади граѓани од пред Владата го почнаа маршот со кој бараат Уставниот суд да не ги укинува одредбите од Законот за помилување со коишто на претседателот му се забранува да помилува лица за изборни нерегуларности.Тие извикуваат „Нема правда нема мир“. Учесниците на протестот ќе поминат пред Собранието и пред канцеларијата на Претседателот на државата и ќе дојдат пред Уставниот суд. Учесниците носат транспарент на кој пишува „Да го одбраниме Уставот од уставните судии“. Протестот го организира платформата за граѓанска политика Ајде и е подржан од СДСМ. Меѓу демонстрантите е и претседателот на СДСМ Зоран Заев со поголем дел од членството. Во исто време во близина на Уставниот суд се одржува протест на кој повика партијата ГРОМ.

XS
SM
MD
LG