Достапни линкови

logo-print

Европратеници бараат санкции лично против Путин


Членови на Европскиот парламент ја повикаа шефицата за надворешна политика на ЕУ, Федерика Могерини, да воведе санкции лично против рускиот претседател Владимир Путин и 28 други поединци, поради „незаконскиот“ третман на украинската пилотка Надја Савченко, која е во притвор во Русија. Во писмото потпишано од 57 европратеници се наведуваат имињата на руски граѓани и проруски сепаратисти од источна Украина, кои се „одговорни за политичката одлука да се киднапира“ Савченко, да се „транспортира до територијата на Русија, незаконско да се приведе и да се фабрикуваат обвиненија против неа“.

Покрај Путин, европратениците бараат на црната листа да биде ставен и директорот на Федералната служба за безбедност Александар Бортников, шефот на комитетот за надворешни работи во државната Дума, Алексеј Пушков, руски инспектори, како и лидерот на сепаратистите во источна Украина, Игор Плотницки. Се предлага под санкции да бидат и обвинители, судии и други личности, обвинети за фабрикување на докази против Савченко, која е во притвор 20 месеци.

Предлагачите сметаат дека санкциите против Путин и другите луѓе треба да вклучат забрана за визи во ЕУ, замрзнување на финансиските средства и конфискација на целиот имот во ЕУ.

XS
SM
MD
LG