Достапни линкови

logo-print

Кадиров му понуди место рускиот фубалер Тарасов


Чеченскиот лидер Рамзан Кадиров му понуди место во чеченски фудбалски клуб на рускиот играч кој беше казнет од УЕФА затоа што за време на натпревер го соблекол дресот под кој носел маица со ликот на рускиот претседател Владимир Путин. Кадиров на својот профил на социјалната мрежа Инстаграм напиша дека „Терек е подготвен да го купи фудбалерот Дмитри Тарасов. Кадиров е почесен претседател на фудбалскиот тим Терек.

УЕФА покрена постапка против Тарасов поради несоодветно однесување, односно за носење облека со политички слогани, откако тој на натпреварот меѓу рускиот Локомотов и турскиот Фенербахче, го соблече дресот покажувајќи ја маицата со ликот на Путин.

Тимот го казни со 300 илјади евра казна, а казната од УЕФА се очекува да биде соопштена следниот месец.

Кадиров напиша дека ако Тарасов не сака да се приклучи на чеченскиот клуб, тогаш тие се подготвени и да ја платат паричната казна која ја одреди клубот Локомотив.

Односите меѓу Русија и Турција се заострени во изминатиов период поради инцидентите на границата со Сирија.

XS
SM
MD
LG