Достапни линкови

Протест за ослободување на поранешниот премиер на Казахстан


Повеќе од десетина луѓе денеска ја блокираа главната улица во главниот град на Казахстан, Астана, барајќи итно ослободување на поранешниот премиер Серик Ахметов од затвор. Тие носеа голем транспарент на кој пишува „Бараме правда“. Полицијата ги растури протестите и ги приведе демонстрантите. Протестот траеше десетина минути и создаде метеж во сообраќајот. Поранешниот премиер Ахметов беше затворен во декември. Тој е осуден на 10 години затвор за корупција. Ахметов рече дека не е виновен и побара од претседателот Нурсултан Назарбаев да му прости за „невниманието што доведе до корупција“ во неговиот роден регион Караганди. Тој беше премиер од 2012 до 2014 година.

XS
SM
MD
LG