Достапни линкови

logo-print

Протест за трговски бариери од ЕУ кон Кина


Неколку илјади луѓе денеска излегоа на протест на улиците на Брисел со барање ЕУ да го ограничи приливот на евтини стоки од Кина. Белгиската полиција соопшти дека околу пет илјади металски работници протестирале, барајќи на Кина да ѝ се негира статусот на пазарна економија за да биде полесно да се воведат трговски рестрикции. Челичарската индустрија вработува еден милион луѓе во Европа и произведува 11 отсто од светското производство. Лобистите на овој сектор велат дека унапредувањето на статусот на Кина ќе ја чини ЕУ милиони работни места и „стотици милијарди евра загуби во економскиот раст“. Се очекува Европската комисија да донесе одлука дека Кина е пазарна економија до крајот на годинава. ЕУ во моментов има 37 мерки за трговска одбрана, од кои 16 се против Кина.

XS
SM
MD
LG