Достапни линкови

logo-print

Користете кондоми во земји каде што го има вирусот зика


Американските здравствени власти ги повикаа граѓаните да користат кондоми или да се воздржуваат од сексуални односи ако патуваат во области каде што беше идентификуван вирусот зика. Американскиот центар за контрола на заразни болести денеска соопшти дека се неопходни мерки за претпазливост, откако минатата недела беше потврден првиот случај на сексуален пренос на вирусот во американската сојузна држава Тексас.

Светската здравствена организација, пак, соопшти дека ќе побара 25 милијарди долари за борба против ширењето на вирусот, кој предизвикува раѓање деца со невролошки проблеми и со невообичаено мали глави, состојба позната како микроцефалија. Парите ќе се користат за истражување како и дали, вирусот кој главно се пренесува преку комарци, може да се пренесе и преку сексуален контакт или преку трансфузија на крв.

Властите во Бразил ги предупредија бремените жени никого да не бакнуваат, затоа што вирусот бил откриен во човековата плунка и урина, што теоретски значи дека вирусот може да се пренесе и на тој начин.

XS
SM
MD
LG