Достапни линкови

logo-print

Законот за медиуми - Црвена линија за СДСМ


Претставникот на СДСМ во преговорите за медиумите Роберт Поповски.

Претставникот на СДСМ во преговорите за медиумите Роберт Поповски.

Опозицискиот СДСМ нема да отстапи од своите позиции околу предлог-законот за медиуми што вчера им го достави на другите политички партии, потписнички на Договорот од Пржино. Според Роберт Поповски, член на преговарачкиот тим на СДСМ, тоа е нивната црвена линија во преговорите за регулацијата на медиумите. Тој вели дека нивниот предлог се базира врз предлогот на меѓународната заедница, „кој е во согласност со размислувањата на опозицијата и на огромен процент од медиумската заедница, новинарскиот еснаф и сите луѓе што работат во оваа професија“ и оти е во интерес на граѓаните.

„Опозицијата нема да отстапи од регулација на медиумите што значи можност за граѓаните да добијат објективна слика за состојбата во државата. Тоа е црвената линија, која е во интерес на регуларни и фер избори и во интерес на демократскиот амбиент и која мора да се испочитува“, изјави вечерва Поповски, пренесува новинската агенција Мета.

Членот на преговарачкиот тим на ВМРО-ДПМНЕ, Илија Димовски, пред почетокот на денешната рунда преговори за медиумите во клубот на пратеници изјави дека неговата партија го отфрлила предлог-законот за медиуми на СДСМ, како противуставен и неевропски.

XS
SM
MD
LG