Достапни линкови

Заев - Пропагандата на Груевски режира нов филм


Лидерот на СДСМ, Зоран Заев

Лидерот на СДСМ, Зоран Заев изјави денеска дека паниката која ја покажува премиерот Никола Груевски и неговите соработници е обид да најдат спас од безизлезот. Според него, тие знаат колку длабоко се влезени во криминал и корупциски скандали и сега го прават истото сценарио како кога почнал проектот „Вистината за Македонија“. Сега, како што наведе Заев, тоа го прават со аферата фалсификувани лични карти и пропагандата на Груевски режира нов филм.

На новинарско прашање зошто се сликал со првообвинетиот во аферата истакна дека тоа е возможно бидејќи се среќавал со многу луѓе и оти тоа не го менува фактот за криминалот на Владата. Тој изрази очекување дека истрагата ќе покаже за што се употребувани фиктивните лични карти и која била нивната цел, како и кој им ги дал прислушуваните материјали на осомничените.

Во однос на договорот од Пржино рече дека тој е единствена можност за излез од политичката криза, а избори може да има само кога ќе бидат обезбедени сите предуслови.

XS
SM
MD
LG