Достапни линкови

logo-print

Откриена тајна работилница за фалсификување лични карти


Основното јавно обвинителство (ОЈО) денеска соопшти дека е пронајдена тајна работилница каде се вршело фалсификување на лични карти и други документи и оти за овој настан се приведени три лица, но постојат индиции и за други лица инволвирани во случајот, како и за сторени други кривични дела. Основното јавно обвинителство Скопје презело низа ктивности постапувајќи во предметот за фалсификуваните лични карти, кои беа предадени од страна на новинарот на Фокус, Љубиша Арсиќ на министерот за внатрешни работи.

„Во вршење на истражни дејствија, во тек на вчерашниот ден, успешно е спроведена акција по наредба на јавен обвинител, во која е пронајдена тајната работилница каде е вршено фалсификувањето на документите. Станува збор за обемен материјал, опрема и апаратура која се користела за изработка на фалсификуваните лични карти и други документи. Пронајдениот материјал е одземен и е предмет на натамошна анализа и истражување. За овој настан се приведени три лица, но постојат индиции и за инволвирани други лица и за сторени други кривични дела“, се наведува во соопштението од ОЈО.

Повеќе информации Обвинителството најавува за следните денови

XS
SM
MD
LG