Достапни линкови

Економските мигранти протестираат на македонско-грчката граница


Архивска фотографија, мигранти заглавени зад оградата на прифатниот центар во Гевгелија

Архивска фотографија, мигранти заглавени зад оградата на прифатниот центар во Гевгелија

Околу 1200 економски мигранти протестираат на пограничната линија меѓу Македонија и Грција, затоа што не им е дозволен влез во земјава, јавува нашиот дописник на терен. На пограничната линија има зголемено присуство на македонска и грчка полиција и засега е мирно. Мигранти од Иран, Либија, Мароко, Сомалија и Бангладеш, бараат од македонската полиција да им дозволи да транзитираат низ Македонија. Дел од нив со кои разговараше екипата на Радио Слободна Европа, велат дека во меѓузоната се заглавени со денови, и бараат да им се овозможи слобода на движење. Како што велат тие само сакаат да ја поминат границата и Македонија и да го продолжат својот пат кон земјите од ЕУ.

Во делот каде што се регистрираат бегалците кои доаѓаат од воените подрачја, е забележлива голема редица. Дел од Сириците се жалат дека чекаат и по повеќе од 4 часа за регистрација при влез во Македонија. Дозволен е влез во земјава само на оние бегалци од Сирија, Авганистан и Ирак кои имаат целосни документи во кои е регистриран нивниот влез во Грција.

XS
SM
MD
LG