Достапни линкови

logo-print

ДУИ повика итно да се спроведе договорот од Пржино


Лидерот на ДУИ, Али Ахмети

Лидерот на ДУИ, Али Ахмети

Од ДУИ соопштија дека партијата деновиве ги претставила своите ставови пред лидерите на ВМРО-ДПМНЕ и на СДСМ околу итноста за заклучување на договорот од 2 јуни. Од ДУИ побарале тие да размислуваат за државата и граѓаните, а не за сопствените партии.

Лидерот на ДУИ, Али Ахмети тоа го истканал и на денешната средба со Џани Питела, претседател на групата на социјалистите и демократите во Европскиот Парламент, Кнут Фленкенштајн, потпретседател на групата на социјалистите и демократите, како и поранешниот известувач на Парламентот за Македонија, европратеникот Ричард Ховит.

Според соопштението на ДУИ, договорот нема алтернатива и неговото спроведување овозможува враќање на евроатланската агенда, која е апсолутен приоритет на граѓаните особено на Албанците.

XS
SM
MD
LG