Достапни линкови

logo-print

Иванов на средба со амбасадори за политичката криза


Претседателот Ѓорге Иванов

Претседателот Ѓорге Иванов

Претседателот Ѓорге Иванов денеска остварил средба со неколку амбасадори во Македонија за последните случувања околу политичката криза во земјата и можностите за нејзино надминување. На средбата присуствувале амбасадорите и замениците-амбасадори на Чешка, Австрија, Словачка, Шведска, Хрватска и Словенија.

Како што соопшти кабинетот на претседателот, Иванов уште еднаш истакнал дека очекува одговорно однесување од лидерите на сите политички партии, потписници на договорот, порачувајќи дека преземените обврски мора доследно да бидат реализирани и во рамки на предвидените рокови.

Претставниците на земјите од групата пријатели на Македонија ја изразиле својата загриженост од неможноста политичките партии да постигнат согласност за спроведувањето на политичкиот договор. Тие аплирале партиите да заземат сериозен и одговорен пристап и да се фокусираат на евроатлантскиот пат на земјата.

XS
SM
MD
LG