Достапни линкови

logo-print

Рама порача Тачи да не доаѓа во Елбасан


Премиерот на Албанија Еди Рама му порача на заменикот косовски премиер Хашим Тачи да не доаѓа на натпреварот меѓу Албанија и Србија, што ќе се одигра утре во Елбасан, јавуваат албанските медиуми. Според албанските медиуми, Рама тао го барал од Тачи поради евентуалното присуство на српскиот премиер Александар Вучиќ. Претходно беше најавено дека постои можност Вучиќ и Рама заедно да присуствуваат на натпреварот, но српскиот премиер се уште не одлучил поради најавата на Тачи дека ќе го следи натпреварот во Елбасан. Најважна цел на премиерот Рама е натпреварот против Србија да мине без никаков инцидент. Друга желба е да биде во друштво на премиерот на Србија Александар Вучиќ за време на натпреварот, јавуваат албанските медиуми. Тачи претходно најави дека ќе патува за Елбасан на натпреварот меѓу Албанија и Србија, бидејќи во албанската репрезентација поголем дел од играчите се Албанци од Косово. Српскиот премиер Вучиќ претходно изјави дека за присуство на натпреварот ќе одлучи по разговор со албанските колеги.

XS
SM
MD
LG