Достапни линкови

САД и европските предизвици


По 14 години борба против Ал Каеда, Талибанците и сега ИД, и по зголемениот фокус врз Азиско – пацифичкиот регион, САД се будат и се соочуваат со реалноста дека Европа, порано гледана како остров на мирот и стабилноста, е во неволја. Европа се соочува со три предизвика - безбедност, економска криза и бранот мигранти.

Европа се соочува со три силни предизвици: влошената безбедносна ситуација на јужното и североисточното крило, продолжената економска евро криза и бранот мигранти од Блискиот Исток и Северна Африка, констатира во написот за Политико, авторот Ендрју Михта.

Не сме во добра состојба. Има недостиг на Европа во Европската унија, а има недостиг и на единство во Европската унија. Тоа треба да се смени.

Истовремено, традиционалното гледање на улогата на НАТО како мост за внатрешните разлики е ставена на тест со политиката на Турција кон Курдите и европските Исток – Запад разлики околу начините за справување со Русија. Така, според Ендрју Михта, Европа влегува во спирална криза која веројатно ќе се продлабочува во следните години.

Жан Клод Јункер.

Жан Клод Јункер.

И тука да потсетиме на изјавата на претседателот на Европската комисија за состојбата на Унијата пред пратениците на Европскиот парламент во Стразбур минатиот месец.

„Не сме во добра состојба. Има недостиг на Европа во Европската унија, а има недостиг и на единство во Европската унија. Тоа треба да се смени“, порача Јункер.

И претседателот на Европскиот совет Доналд Туск, за време посетата на Турција, оцени дека играта со меѓусебни обвинувања нема да им помогне на бегалците.

Војните на Блискиот Исток веројатно уште ќе го поттикнат бранот бегалци што можеби ќе бара ангажман од НАТО за зацврстување на редовите. Затоа во написот на Политико се бара од администрацијата на американскиот претседател Барак Обама да работи врз консензус на Алијансата. Никој не верува дека САД би се вратила на нивото на воено присуство во Европа како од времето на Студената војна, но американските сили би требало да бидат распоредени во разумна големина.

Американскиот државен секретар Џон Кери на почетокот на септември изјави дека Соединетите Држави се залагаат да преземат повеќе сириски бегалци. До ова доаѓа откако неколкумина американски конгресмени побараа администрацијата да преземе дополнителни напори за решавање на кризата со бегалскиот бран во Европа.

  • 16x9 Image

    Зоран Ќука

    Во Слободна Европа во Прага е од нејзиното формирање на 1 Септември 2001 година. Кариерата ја започна во Македонското радио, па следат ТВ - А1 и ТВ Телма, со истовремена дописничка работа за Радио и ТВ Босна и Херцеговина, Загребското Независно 101 Радио, и Љубљанското Студент Радио.

XS
SM
MD
LG