Достапни линкови

Антивладини протести во Подгорица


Опозицискиот Демократски фронт побара синоќа на протестот во Подгорица оставка на владата на Мило Ѓукановиќ, како неопходен услов за формирање на преодна влада, чија цел би била организирање избори. Пред црногорскиот парламент протестираа неколку илјади луѓе, а забележително беше силно присуство на припадници на полицијата. Организаторите на протестот побараа целосна измена на изборното законодавство за спроведување на, како што е наведено, први фер и слободни избори во земјата. Лидерите на Демократскиот фронт порачаа дека ќе останат на платото пред парламентот се до исполнување на барањата и ги повикаа граѓаните и опозициските партии да им се придружат.

Најмалку 400 луѓе ја минале и ноќта во шатори пред парламентот, а за денеска се најавува продолжување на протестите.

XS
SM
MD
LG