Достапни линкови

Унгарија со протестна нота до Хрватска


Унгарскиот амбасадор во Загреб испрати до хрватското Министерство за надворешни работи протестна нота за понудата на Министерството да го отвори главниот граничен премин на границата со Србија под услов српските власти бегалците да ги насочат кон Унгарија. Дипломатската нота е испратена на барање на унгарскиот Министер за надворешни работи Петер Сијарто, соопшти унгарското министерство за надворешни работи. Според унгарското министерство, српскиот министер за надворешни работи Ивица Дачиќ разговарал по телефон за тоа прашање со Сијарто и двајцата изразиле согласност дека барањето на Хрватска е неприфатливо според европските норми. Унгарија бара Хрватска да се врати кон европските стандарди на однесување и да ги регистрира и да нуди услуги на згрижување на мигрантите, се наведува во соопштението на унгарското минисертсво.

XS
SM
MD
LG