Достапни линкови

Балкански кавги околу мигрантите


Балкански кавги околу мигрантите
please wait

No media source currently available

0:00 0:02:40 0:00

Балкански кавги околу мигрантите

Поделбите во ЕУ како да се распореди товарот од мигрантската криза се одразуваат и врз земјите на Балканот кои се почесто се обвинуваат за тоа како се справуваат со мигрантите. Војната со зборови најчесто е зачинета со потценување на напорите на другата земја со оценки дека тие биле срамни и патетични.

Тешката ситуација во врска со илјадниците баратели на азил ги обнови старите разлики меѓу Србија, Хрватска и Словенија кои датираат уште за време на распадот на поранешната Југославија. Истовремено, мигрантската криза создаде нови тензии.

Унгарската одлука да ја затвори границата со Србија натера илјадници луѓе од Блискиот Исток, Африка и Азија да се свртат кон Хрватска.

Најпрвин Хрватска добро ги пречекуваше, мислејќи дека тие едноставно преку Словенија ќе продолжат за Австрија и Германија.

Долг е списокот за што можеме да се обвинуваме меѓусебно, но тоа нема да ни помогне да најдеме заедничко решение.
Доналд Туск, претседател на Европскиот совет.

Но, Словенија ја затвори границата и Хрватска почна да се полни со мигранти. Затоа Хрватска почна со возови и автобуси и да ги испраќа за Словенија.

Во меѓувреме, се разгореа обвинувањата меѓу балканските политичари.

Србија ја обвини Унгарија дека со солзавец ги растерува мигрантите, а Хрватска дека ги затворила граничните премини.

Унгарија, пак, ја обвини Србија дека им дозволила на мигрантите да фрлаат камења врз унгарската полиција на границата.

Будимпешта со прст покажа и на Грција дека не успеала да го запре мигрантскиот бран.

Во меѓувреме, Словенија се налути за тоа што Хрватска ги транспортира мигрантите до нејзините граници.

Сето ова доведе до размена на недипломатски изјави како таа на унгарското Mинистерство за надворешни работи дека Загреб излажал оти со Будимпешта се договориле за коридор за мигрантите.

Србија и Романија, пак, ја споредија изградбата на оградата на унгарската граница со практиките на нацистичката влада во Будимпешта во Втората светска војна.

Во исто време Атина остро одговори на унгарските критики.

„Употребата на насилство, патроли со автоматско оружје и испраќање на мигрантите на мински полиња не е соодветно однесување за една членка на Европската унија“, соопшти грчкото Mинистерство за надворешни работи.

Не помалку жестока беше и размената меѓу Србија и Хрватска.

„Жалам што гледам дека хрватската хуманост и солидарност траеше само два дена“, рече српскиот министер за социјални работи Александар Вулин, кој најави дека Србија ова прашање ќе го даде на меѓународен суд.

На тоа хрватскиот премиер Зоран Милановиќ ја спореди српската меѓународна моќ со мува.

„Орелот не лови муви. Хрватска е орел“, рече тој.

Во меѓувреме, Србија која не е членка на Европската унија, изрази негодување, бидејќи не била поканета на самитот на Унијата за мигрантската криза иако нејзината територија е главна за мигрантите.

„Долг е списокот за што можеме да се обвинуваме меѓусебно, но тоа нема да ни помогне да најдеме заедничко решение“, рече неодамна претседателот на Европскиот совет Доналд Туск.

  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG