Достапни линкови

Василики Тану времен премиер на Грција


Грчкиот претседател Прокопис Павлопулос ја именува претседателката на Врховниот суд Василики Тану за премиер, што треба да состави времена влада, која ќе ја води земјата до предвремените избори следниот месец. 65-годишната Василики Тану ќе биде првата жена на премиерската функција во Грција. Таа треба да положи заклетва денеска и ќе именува влада, која треба да положи заклетва утре. Изборите во Грција се очекува да се одржат на 20 септември. Досегашниот премиер Алексис Ципрас поднесе оставка минатата недела околу седум месеци по изборот. Неговата коалициска влада беше погодена од внатрешен бунт од левичарската СИРИЗА поради одлуката да ги прифати условите за штедење со новиот пакет помош за земјата.

XS
SM
MD
LG