Достапни линкови

Илјадници мигранти преку Македонија на пат до ЕУ


Илјадници мигранти преминале од Грција во Македонија откако македонските безбедносните сили веќе не ги попречуваат нивните обиди преку Балканот да стигнат до западна Европа. Специјалните полициски сили, по хаосот и конфронтациите со мигрантите, главно од Сирија, се уште се на македонско грчката граница, но веќе не ги спречуваат да влезат во земјата. Македонија прогласи кризна состојба на 19 август и ги затвори јужната и северната граница за мигрантите откако нивниот број се зголеми на 2 илјади дневно. УНХЦР соопшти дека биле добиени гаранции од македонските власти оти границата ќе остане отворена за мигрантите. Но, оваа организација побара од Македонија да го зацврсти присуството и капацитетите на границата со цел подобро да биде организирано прифаќањето на луѓето.

XS
SM
MD
LG