Достапни линкови

logo-print

Најмалку 50 загинати во експлозиите во Кина


Серијата огромни експлозии во североисточниот кинески пристанишен град Тијанџин денеска убија најмалку 50 луѓе и стотици се повредени, а многумина од нив се во критична состојба. Најмалку 12 пожарникари се меѓу загинатите. Новинската агенција Ксинхуа соопшти дека масивните експлозии почнале откако избувнал пожар во стоварише за експлозивни материјали во 11 и 30 часот по локално време. Кинескиот дневен весник Кина Дејли пишува дека магацинот каде се случила експлозијата припаѓа на приватна компанија и нејзиниот менаџер бил уапсен од полицијата. Кинескиот центар за земјотреси соопшти дека најголемата експлозија била еднаква на детонирање на 21 илјади килограми ТНТ.

XS
SM
MD
LG