Достапни линкови

logo-print

Папата: нуклеарните напади се предупредување за човештвото


Поглаварот на Римокатоличката црква, папата Франциско денеска изјави дека нуклеарните напади врз Хирошима и Нагасаки пред 70 години остануваат постојано предупредување за човештвото да се отфрли војната и да се забрани оружјето за масовно уништување.

Папата за време на редовната неделна миса, американските напади со атомски бомби ги нарече "трагичен настан, кој продолжува да предизвикува страв и гнев".

Според него бомбардирањето на јапонските градови станало симбол на деструктивната моќ на човештвото кога науката и технологијата се ставени во "перверзна употреба".

Денеска се одбележува 70-годишнината од нуклеарниот напад врз Нагасаки, од американските воздухопловни сили. Три дена претходно падна првата атомска бомба врз Хирошима, со што брзо се стави крај на Втората светска војна.

XS
SM
MD
LG