Достапни линкови

Прифатени речиси половина приговори за државната матура


На прелиминарните резултати од тестовите по екстерните предмети на државната матура спроведена во јуни биле поднесени 505 приговори од кои, по разгледувањето од страна на предметните комисии, прифатени се 212, соопшти Државниот испитен центар.

ДИЦ на 12 јули ги објави првичните резултати од тестирањето по екстерните предмети во јунската сесија од осмата државна матура (2014/2015), според кои просечната оценка по сите предмети, во сите средни училишта во Македонија, е 3.37, и е повисока во однос на минатата учебна година кога средниот успех беше 3.11.

На државната матура во јуни биле пријавени 52.090 кандидати по сите предмети, на тестирањата учествувале 49.861, а отсуствувале 2229.

За кандидатите кои отсустувувале во јуни, кои не ја положиле или не во целост, наредната сесија ќе се реализира од 17-ти до 20 август 2015.

XS
SM
MD
LG