Достапни линкови

logo-print

Хашката пресуда за Караџиќ во декември


Хашкиот суд би требало во декември годинава да ја изрече првостепената пресуда во судскиот процес против поранешниот лидер на босанските Срби, Радован Караџиќ, јави Танјуг повикувајќи се на извори во Прес-службата на Трибуналот.

Истите извори нагласиле дека точниот датум за изрекување на пресудата се уште не е одреден, но дека се очекува тоа да биде во декември.

Српските власти го уапсија Караџиќ, кој се криеше повеќе години, во јули 2008 година, а една недела подоцна му го предадоа на Хашкиот суд.

Обвинителството на Трибуналот го товари Караџиќ за геноцид, вмешаност во геноцид, ликвидации, убиства, казнувања, депортации, нехумани постапки и други злосторства извршени врз Бошњаци, Хрвати и останати цивили од несрпска националност во Босна и Херцеговина.

XS
SM
MD
LG