Достапни линкови

Бил Клинтон на чело на делегацијата на САД во Сребреница


Американскиот претседател Барак Обама го избра поранешниот претседател Бил Клинтон да ја предводи делегацијата на САД на одбележувањето на 20-годишнината од масакрот во Сребреница. Околу 8 илјади муслимани беа убиени во овој град во БиХ на 11 јули 1995 година, кога српските сили го зазедоа градот и го извршија најкрвавиот масакр во Европа по Втората светска војна.

Белата Куќа соопшти дека Клинтон ќе биде придружуван од членови на конгресот и поранешната Државна секретарка Медлин Олбрајт. На комеморацијата ќе присуствуваат и сенаторите Роџер Викер и Џин Шахин, како и членовите на Претставничкиот дом Елиот Енџел и Питер Кинг.

XS
SM
MD
LG