Достапни линкови

logo-print

Картер во посета на Европа


Американскиот секретар за одбрана Ештон Картер патува денеска во Европа во посета посветена на соработката меѓу НАТО сојузниците во екот на руската агресија во Крим и Украина. Пентагон соопшти дека клучниот дел од разговорите на сите посети на Картер ќе биде како САД, НАТО и партенерите на НАТО може најдобро да се справат со Кремљ, по руската анексија на кримскиот регион и воената поддршка што им ја даваат на сепаратистите во источна Украина. Картер утре во Германија ќе разговара со министрите за одбрана од Германија, Холандија и Норвешка. На 23 јуни се планира тој да го посети естонскиот главен град Талин каде што има закажано средби со колегите од Естонија, Латвија и Литванија. Сите три земји упатија барања за постојано присуство на војниците на НАТО на нивна територија поради стравувањата на балтичките и источно европски нации од руска воена акција. Картер потоа ќе ја посети и Белгија за да присуствува на состанокот на министрите од земјите-членки на НАТО, прв откако ја презема функцијата секретар за одбрана во февруари.

XS
SM
MD
LG