Достапни линкови

logo-print

Русија ја предупредила Франција месеци пред замрзнувањето на сметките


Месеци пред Франција да ги замрзне руските сметки за арбитратната пресуда според која Москва треба да плати 50 милијарди долари Русија се заканила со одмазнички мерки кои ги засегаат не само француската влада и компаниите, туку и француските граѓани, се наведува во документот во кој имаше увид Радио Слободна Европа. Русија неделава потврди дека Франција и Бегија замрзнале некои сметки кои се поврзуваат со руската држава во обид да ги осигура парите пресудени од Постојаниот суд за арбитража во Холандија наменети како отшета за акционерите во сега згаснатата нафтена компанија Јукос, која порано беше во сопственост на критичарот на Кремљ Михаил Ходорковски. Замрзнувањето на сметките ја налути Москва која оцени дека потегот е нелегитимен и дека руските власти ќе преземат слични легални акции во домашните судови против странските компании. Но повеќе од два месеци пред веста за замрзнувањето на сметките да биде објавена, Русија со дипломатска белешка го предупредила Париз дека француските граѓани може да бидат погодени од репресивни мерки ако се преземе акција против рускиот имот во Франција за да се наплати пресудата на арбитражниот суд.

XS
SM
MD
LG