Достапни линкови

logo-print

Српскиот претседател Николиќ ја одложи посетата на БиХ


српскиот претседател Томислав Николиќ

српскиот претседател Томислав Николиќ

Босанските власти соопштија дека планираната посета на српскиот претседател Томислав Николиќ на Сараево што требаше да се оствари денеска е одложена до „подобрување на политичката ситуација“. Претходно муслиманскиот член на босанското претседателство Бакир Изетбеговиќ предложил посетата да биде одложена на неопределен рок се до завршување на екстрадицијата на босанскиот муслиман Насер Ориќ, кој е уапсен на 10 јуни во Швајцарија по меѓународна потерница распишана од Србија во 2014 година. Србија побара апсење на Ориќ, кој командувал со одбраната на босанската енклава Сребреница за време на војната од 1992 до 1995 година, под обвинение за воени злосторства врз српското население во Сребреница во 1992 година. Хашкиот трибунал го осуди Ориќ на две години затвор за индиректна одговорност за смртта на седуммина српски заробеници и малтретирање на 11 лица во периодот 1992-1993 година, но по поднесена жалба тој е прогласен за невин поради недостиг на доволно докази.

XS
SM
MD
LG