Достапни линкови

Попоски се сретнал со Коѕиас и Митов во Турција


Министерот за надворешни работи Никола Попоски.

Министерот за надворешни работи Никола Попоски.

Министерот за надворешни работи Никола Попоски на маргините на состанокот на НАТО во Турција остварил средби со неговите колеги од Грција и Бругарија со кои разговарал за условувањата кои ги имаат поставено кон Македонија и кои се предусловите за одблокирање на процесот на пристапување кон ЕУ и НАТО. Како што соопшти МНР, на средбата со министерот за надворешни работи на Грција Никос Коѕиас станало збор за предложените мерки за градење доверба од една страна, како и за наметнатиот спор за именувањето на Македонија, кој опстојува како пречка за членство во НАТО и ЕУ.

Со министерот за надворешни работи на Бугарија Даниел Митов, како што се наведува во соопштението, станало збор за безбедносните закани и потребата од отворена соработка меѓу сите земји во регионот, како и за условувањата со меѓудржавен договор кој од бугарска страна е истакнат како предуслов за поддршка на патот кон НАТО и ЕУ.

XS
SM
MD
LG