Достапни линкови

logo-print

Вајгл, Кукан, Ховит-Настаните да бидат соодветно истражени


Оштетени куќи во Дива населба во Куманово после полициската акција против вооружена група.

Оштетени куќи во Дива населба во Куманово после полициската акција против вооружена група.

Европратениците Иво Вајгл, Едвард Кукан и Ричард Ховит, кои посредуваат меѓу претставници на македонските политички партии ВМРО-ДПМНЕ и СДСМ со цел надминување на политичката криза во земјата, денеска реагираа и на нападот во Куманово. Тие изразија загриженост и сочуство до семејствата на загинатите и ги осудија сите акти на насилство против јавниот ред и обидите да се дестабилизира ситуацијата во земјата. Тие порачуваат дека настаните треба да бидат соодветно и транспарентно истражени и во согласност со владеењето на правото. Европратениците побараа од македонската јавност да не дозволи понатамошна ескалација на тензиите.

Вајгл, Кукан и Ховит ги повикаа и политичките лидери во земјата “да се однесуваат одговорно и да се воздржат од акции или изјави кои може да ја поткопаат стабилноста на земјата”. Тие уште еднаш повторија и дека сите обвинувања за злоупотреби кои беа објавени во јавноста треба да бидат темелно истражени и оние кои ќе се најдат како одговорни дека треба да бидат повикани на одговорност за своите постапки, со целосно почитување на принципите на транспарентност, непристрасност и пресумпцијата на невиност. Европратениците ги повикаа и политичките партии да ги забрзаат нивните напори и да се вклучат сериозно во политичкиот дијалог на највисоко ниво, со цел да се реши политичката криза во земјата.

XS
SM
MD
LG