Достапни линкови

Меѓународен воз во близина на Велес прегази 14 мигранти


Во близина на Велес синоќа околу 22,30 часот меѓу железничките станици „Рајко Жинзифов“ и „Пчиња“ меѓународен воз, кој сообраќа на релација Солун – Белград, прегазил 14 мигранти. На местото на железничката несреќа, екипи на прва помош стигнале од Скопје и Велес. Увид за несреќата направиле екипи на СВР Велес, јавен обвинител и стручни лица на Македонски железници. Телата на загинатите, како што за МИА информира Анита Стојковска, портпарол на СВР Велес, се наоѓаат во капелата на градските гробишта во Велес. Стојковска додава дека осум мигранти се приведени и се наоѓаат во Полициската станица во Велес, а имало и поголема група мигранти кои побегнале од местото на несреќата.

XS
SM
MD
LG