Достапни линкови

И ОБСЕ се вклучува во решавањето на кризата


Американскиот амбасадор во ОБСЕ Дениел Баер.

Американскиот амбасадор во ОБСЕ Дениел Баер.

Високи претставници на ОБСЕ се во посета на земјата. Меѓународната заедница веќе увиде дека разговорите во Брисел нема да дадат никаков резултат, па заради тоа САД и ОБСЕ решиле да се вклучат во обидите за наоѓање излез од кризата, вели аналитичарот Алајдин Демири.

Пет постојани претставници на земји во ОБСЕ денеска во Скопје од претставници на владиниот врв, политичките партии и невладините организации, се обидуваат да ги слушнат различните перспективи за тоа како Македонија може да се движи напред според принципите на ОБСЕ и евроатланските вредности.

Во соопштението беше наведено дека тие пристигнуваат во Македонија и дека САД и многу други во меѓународната заедница се загрижени за политичката криза во земјава. Покрај тоа што од своите домаќини сакале да слушнат за перспективите како земјава може да се движи напред, во соопштението пишува и дека ќе зборувале за начинот за поддршката за преземање позитивни чекори.

Амбасадорите на Соединетите Американски Држави, Европската унија, Велика Британија, Турција и Данска, пристигнаа во земјава по иницијатива на американскиот амбасадор во ОБСЕ Дениел Баер кој вчера и официјално ја најави посетата на интернет страницата на мисијата на САД во меѓународната организација. Во соопштението беше наведено дека тие пристигнуваат во Македонија и дека САД и многу други во меѓународната заедница се загрижени за политичката криза во земјава. Покрај тоа што од своите домаќини сакале да слушнат за перспективите како земјава може да се движи напред, во соопштението пишува и дека ќе зборувале за начинот за поддршката за преземање позитивни чекори.

Според аналитичарот Ајалдин Демири меѓународната заедница веќе увидела дека разговорите меѓу претставниците на ВМРО -ДПМНЕ и на СДСМ во Брисел, чија втора рунда заврши неделава, нема да дадат никаков резултат, па заради тоа САД и ОБСЕ решиле да се вклучат во обидите за наоѓање излез од кризата.

Иако нејзините позиции се на многу пониско ниво од овој притисок што се врши од Европската унија и од САД, меѓутоа најверојатно во договор со нив сакаат да ја вратат таа улога, сакаат да ја вратат позицијата на ОБСЕ со оглед дека кризата е се посериозна.

„Иако нејзините позиции се на многу пониско ниво од овој притисок што се врши од Европската унија и од САД, меѓутоа најверојатно во договор со нив сакаат да ја вратат таа улога, сакаат да ја вратат позицијата на ОБСЕ со оглед дека кризата е се посериозна“, вели Демири.

Инаку уште пред еден месец американскиот амбасадор Баер преку соопштение изрази загриженост за состојбите во земјава по избивањето на аферите „Пуч“ и „Прислушување“. Тој нагласи дека САД продолжуваат со големо внимание и загриженост да го следат развојот на настаните во Македонија и ги повикуваат властите да искажат посветеност на владеењето на законот, почит кон слободата на изразување и интегритетот на демократските процеси во Македонија. И тогаш Баер ги повика политичките лидери да побараат совет и помош од ОБСЕ за исцртување на планот кон напредокот.

Денешната посета сепак има некаков не докрај јавен пристап. Претпладнево ниту од МНР, ниту од Владата со чии први луѓе според информациите амбасадорите разговарале не ги најавија средбите за медиумите. Од она што се дознава покрај со владините претставници, петмината ќе се сретнат и со лидерите на СДСМ и ДУИ, Зоран Заев и Али Ахмети.

  • 16x9 Image

    Фросина Димеска

    Родена е 1980 година во Скопје. Со новинарство се занимава од 2004 година кога почнува да работи како постојан дописник на Радио Слободна Европа од Скопје.
    Во периодот од 2008 година до почетокот на 2014 година работи прво како новинар во телевизијата Алсат М а потоа во дневниот весник Нова Македонија.

Покажи ги коментарите

XS
SM
MD
LG