Достапни линкови

Заложби за зачувување на светското и природно наследство на Охрид


Каналот Студенчишта во Охрид.

Каналот Студенчишта во Охрид.

Граѓански здруженија од Охрид се противат на урбанизација на охридското крајбрежје, урбанизација на Студнечишко Блато и против спроведување на градежните активности во Националниот парк Галичица.

Евентуалната изградба на експресен пат, голем туристички ски-комплекс и несоодветна урбанизација на голем дел од крајбрежјето може да ги загрозат Охридското Езеро и Националниот парк Галичица, кои се дел од светското природно и културно наследство признаени од УНЕСКО, сметаат неколку невладини организации, граѓански здруженија и месни заедници од Охрид. Тие потпишаа декларација за зачувување на светското и природно наследство на Охрид, која ќе ја достават до носителите на одлуки, локалните власти во Охрид како и премиерот Груевски и министрите за животна средина и транспорт и врски.

Засегноста, исфрустрираноста на мештаните, доведе до формирање на една граѓанска иницијатива. Ние сме против имплементација на овие проекти, измена на ГУП-от и против урбанизација на охридското крајбрежје, против урбанизација на Студнечишко Блато и против спроведување на градежните активности и активности предвидени за Националниот парк Галичица.

„Зачувувањето на областите со висока еколошка вредност од меѓународен карактер признаен од УНЕСКО е од суштинско значење и приоритет на Република Македонија загарантиран со Устав. Цврсто веруваме дека како надлежни институции не сакате да учествувате во деградирање на ова исклучително значајно богатство кое е под заштита на УНЕСКО. Апелираме до Вас да ги стопирате предложените измени на Планот за управување со Националниот парк Галичица и Урбанистичките планови на Охрид, како и поедини одлуки за урбанизација и да се повлечете од спроведувањето на овие проекти“, стои меѓу другото во декларацијата.

Национален парк Галичица.

Национален парк Галичица.

Илина Арсова од еколошкото друштво Лагадин вели дека декларацијата потекнала од група на засегнати мештани по должината на охридското крајбрежје кои биле загрижени за влијанието врз Охридското Езеро при имплементација на некои од предвидените проекти.

Декларацијата што ја носат организациите кои се наоѓаат на источниот брег на Охридското Езеро е многу значајно за да се зачува Галичица. Таа е многу важен фактор и во зачувувањето на Охридското и Преспанското Езеро.

„Засегноста, исфрустрираноста на мештаните, доведе до формирање на една граѓанска иницијатива. Ние сме против имплементација на овие проекти, измена на ГУП-от и против урбанизација на охридското крајбрежје, против урбанизација на Студнечишко Блато и против спроведување на градежните активности и активности предвидени за Националниот парк Галичица“, рече Арсова.

Лазо Наумоски, екологист од Охрид, вели дека пред да почнат да се реализираат некои од предвидените проекти треба добро да се размисли.

„Декларацијата што ја носат организациите кои се наоѓаат на источниот брег на Охридското Езеро е многу значајно за да се зачува Галичица. Таа е многу важен фактор и во зачувувањето на Охридското и Преспанското Езеро. Јас планината Галичица би ја нарекол и природен феномен. Сите извори кои од Галичица влегуваат во Охридското Езеро се значајни од еколошки аспект, бидејќи се богати со калциум. Оние скијачки центри не би требало да се прават. Ние имаме ски-центри и да оставиме тие тоа да го тераат. Охрид треба да го тера езерскиот и алтернативниот туризам“, рече Наумоски.

XS
SM
MD
LG