Достапни линкови

Кога некој еднаш ќе даде крв, ретко се откажува


Доброволни крводарители месечно даруваат по 70 до 80 крвни единици без акција. Крводарителите кои имаат ретка крвна група во итни случаи се јавуваат и на повик од трансфузиолозите.

Преку разни здруженија и организации граѓаните на Куманово секогаш се отповикуваат на акциите за дарување крв, бидејќи сакаат да бидат хумани и да спасат нечиј живот. Има и такви кои сами поединечно се јавуваат на Одделението за трансфузиологија во Куманово за дарување оваа течност што значи живот.

По три месеци секогаш може. Дарувам кога има акции или по повик, ако има потреба за некој итен случај.

Вработените на Трансфузиологија велат дека бројката на крводарителите од пред една деценија и повеќе не е намалена, напротив во одредени периоди е и поголема. Ако порано акциите биле организирани во фирми, сега тоа го прават разни здруженија.

Средношколците пак, континуирано даруваат крв. Дека хуманоста од овој вид не изостанува говори и фактот што доброволни крводарители месечно даруваат по 70 до 80 крвни единици без акција. Крводарителите кои имаат ретка крвна група во итни случаи за спасување нечиј живот се јавуваат и на повик од трансфузиолозите.

Ова ми е седми пат. Имам правено пауза и сега пак сакам. Тоа е за спасување нечиј живот, а и за жените во менопауза е подобро да даваат крв.

На една од крводарителските акции Стојан Ничевски го забележа 24-то дарување крв.

„По три месеци секогаш може. Дарувам кога има акции или по повик, ако има потреба за некој итен случај“, вели тој.

Младата кумановка Фросина Димитриевска вели дека пет пати дарувала крв.

„Добро е ова, помош на другите и подобро ми е мене. Се чувствувам подобро.“

Слаѓана Ангеловска по извесна пауза повторно се вратила на крводарителството.

„Ова ми е седми пат. Имам правено пауза и сега пак сакам. Тоа е за спасување нечиј живот, а и за жените во менопауза е подобро да даваат крв. Така е од медицински аспект.“

Кога хуманоста треба да се покаже на дело подеднакво се отповикуваат и жените и мажите. Во последно време како крводарители се јавуваат и Албанците, што не беше случај пред деценија ипол, велат од Трансфузиологија. Ова веројатно се должи на едукацијата на населението од оваа етничка заедница, особено што е зголемен бројот и на медицинскиот персонал во кумановската Општа болница. И за одбележување е и тоа што кога некој еднаш ќе даде крв, ретко се откажува, оти како да му се буди чувството за хуманоста, а тоа и позитивно се одразува врз неговото здравје. „Даруваш крв, спасуваш живот, си го проверуваш здравјето. Мора да се напомене и дека само ако си здрав можеш да даруваш крв, “велат трансфузиолозите.

  • 16x9 Image

    Светлана Антиќ Јовчевска

    По завршувањето на Студиите по новинарство во Скопје во 1985 година започнува да работи како економски новинар во Куманово, а потоа како дописник на „Вечер“,соработник на „Нова Македонија“,„Утрински весник“,на МРТВ, МИА, Радио Дојче Веле и неколку неделници. Од основањето на Радио Слободна Европа известува за настаните од својот град.

XS
SM
MD
LG