Достапни линкови

АУДИО: Прислушување, случај Бошковски, координација со медиуми


Лидерот на опозициската СДСМ, Зоран Заев денеска (20.02.2015) на прес-конференција ја презентираше и третата „бомба“. Овојпат, Заев информираше за политички монтиран процес при апсењето на поранешниот министер за внатрешни работи Љубе Бошкоски.

На тој чин се восхитуваат директорот на телевизијата Канал 5 Емил Стојменов и главниот уредник на Сител, Драган Павловиќ Латас.

Во првиот разговор меѓу Мијалков и Латас, шефот на УБК на Латас му го најавува апсењето на Бошкоски како „едно изненадување, кое ќе се случи на денот на изборите“, а потоа разговараат за тоа каков медиумски третман треба да добие.

И Емил Стојменов со Мијалков разговара за апсењето на Бошкоски, и исто така гарантира медиумски третман, нагласувајќи дека „ќе му се направи ќефот, ако го види уапсен и Љубчо Георгиевски“.

Во следниот разговор меѓу министерката Јанкуловска и Протуѓер, се работи за пет автобуси кои од Прилеп тргнале на протест во Скопје. Јанкуловска му ветува на Протуѓер дека „ќе ја среди работата“.

Разговор меѓу Гордана Јанкуловска и Иво Котевски за медиумски претставување на полициска интервенција.

Покажи ги коментарите

XS
SM
MD
LG