Достапни линкови

logo-print

Косовскиот премиер повика да запре иселувањето


Косовскиот премиер Иса Мустафа во рамките на одбележувањето на седум годишнината од независноста на Косово ги повика граѓаните да не ја напуштаат земјата која се соочува со тешка економска криза. „Луѓето немаат причина да го напуштат Косово, тие имаат причина да останат“, изјави Мустафа на специјалната седница на косовскиот парламент, барајќи акција против невработеноста, сиромаштијата, корупцијата и организираниот криминал. Во изминативе неколку месеци, економската криза предизвика масовен егзодус на десетици илјади косовски Албанци во потрага по подобар живот во земјите на Европската унија. Во честитката по повод годишнината американскиот државен секретар Џон Кери оцени дека ланските избори биле важен момент во изградбата на просперитетна, мултиетничка демократија.

XS
SM
MD
LG