Достапни линкови

logo-print

Зврлевски: Од мене никој не побарал да се отфрли кривична пријава


Јавниот обвинител Марко Зврлевски.

Јавниот обвинител Марко Зврлевски.

Не би ги коментирал наводите изнесени на прес-конференцијата на СДСМ во врска со некаков разговор во кој е споменато моето име, рече денеска Јавниот обвинител Марко Зврлевски.

„Јас како јавен обвинител немам постапувано по предмет во којшто како пријавено лице се појавува министерот за финансии Зоран Ставрески“, тврди Зврлевски.

Тој додава дека јавните обвинители кои постапуваат по предмети по кривични пријави биле апсолутно независни, сами ја носеле својата одлука и во конкретен предмет на нив не можело да се влијае со никаква молба, препорака или укажување.

„Од мене никој нема побарано да се отфрли кривична пријава. За сите предмети за кои е отфрлена кривична пријава се известува оштетениот, односно подносителот на пријавата, и истиот има право да поведе постапка пред суд или да поднесе жалба до повисокиот обвинител”, рече Зврлевски.

Од друга страна, вчера, на прес-конференција, лидерот на СДСМ Зоран Заев објави телефонски разговор меѓу министерката за внатрешни работи Гордана Јанкулоска и министерот за финансии Зоран Ставрески во кој таа го споменува името Марко за кој Заев рече дека лично Зврлевски по нарачка лично на Јанкулоска донел јавно обвинителска одлука да отфрли кривична пријава против Ставрески.Еве го разговорот.

Зврлевски инаку додаде дека јавниот обвинител во својата работа секојдневно комуницирал со Министерството за внатрешни работи во рамките на својата надлежност.

„Начинот на спомнувањето на јавното обвинителство, јавниот обвинител, на прес-конференцијата и начинот на коментирањето е со цел да се дискредитира јавното обвинителство и да се изврши притисок, а во врска со постапување по конкретен предмет“, рече Зврлевски.

XS
SM
MD
LG