Достапни линкови

logo-print

Американски конгресмени за прием на Македонија во НАТО


Вашингтон

Вашингтон

14 американски конгресмени ја потпишаа резолуцијата поднесена од Кендис Милер од Мичиген за поддршка на македонското барање за членство во НАТО. „Македонија ги исполни сите критериуми за членство во НАТО, што беше истакнато и во декларацијата по самитот на НАТО во Букурешт во 2008 година, а потоа доби поддршка и во Меѓународниот суд на правдата. Оттаму Претставничкиот дом на Конгресот на САД ги поддржува македонските аспирации за членство во НАТО, високо ги цени напорите на Македонија и нејзината посветеност и учеството заедно со Соединетите Американски Држави и други земји во промовирањето на мирот, стабилноста и взаемното разбирање“, се наведува, меѓу другото, во резолуцијата поднесена од Кендис Милер, која ја предводи групата за пријателство со Македонија во американскиот Конгрес. Во резолуцијата се бара САД да обезбедат „билатералните спорови да не го попречуваат приемот на Македонија во НАТО, особено имајќи ја предвид регионалната стабилност и актуелната ситуација во Украина“.

XS
SM
MD
LG