Достапни линкови

Парламентарни избори во Грција


Алексис Ципрас.

Алексис Ципрас.

Грците гласаат на парламентарни избори кои може да ја донесат на власт радикалната левичарска партија Сириза, која ја отфрла политиката на штедeње.Победат на Сириза може да донесе политички пресврт и во Европа.

Во Грција денеска се одржуваат предвремени парламентарни избри на кои се очекува најмногу гласови да освои екстремно левичарската партија Сириза. Победата на Сириза би можело да претставува политички пресврт во Европа каде и некои други популулистички партии сакаат да започната кампања против мерките на штедење.

Грчките избирачи треба да ја одредат иднината на земјата. Дилемата е дали да се продолжи со реформите кои ги наложи „тројката“ меѓународни кредитори и политиката на штедење или радикален пресврт со Сириза и Ципрас, кој ја отфрла политиката на штедење и бара редефинирање на сите договори за кредити.

Гласањето започна во 7 часот по локално време на изборите кои, исто така, се одлучувачки за останувањето на Грција во евро зоната.

Девет милиони и 808 илјади Грци гласаат на вонредните парламентарни избори во земјата. До изборите дојде откако Парламентот не успеа после три обиди да избере нов шеф на државата.

На изборите учествуваат 18 партии и четири коалиции.

Според сите анкети, Сириза води пред Нова демократија со три до пет процентни поени, а на трето место е Потами. Повеќето истражувања покажаа дека прагот од три проценти за влез во парламентот ќе го поминат и Златна Зора, ПАСОК, Комунистичката партија и партијата Независни Грци.

За следење на изборите во Грција, акредитирани се повеќе од 900 новинари од 50-тина земји од светот, што е најголема медиумска заинтересираност досега.

Според истражувањето на јавното мислење Сириза не престанува да ја зголемува својата предност во однос на другите партии и владеачката Нова Демократија на премиерот Антонис Самарас и таа сега изнесува 5,3 проценти разлика.

Сириза е основана во 2000 година.

Грчките избирачи треба да ја одредат иднината на земјата. Дилемата е дали да се продолжи со реформите кои ги наложи „тројката“ меѓународни кредитори и политиката на штедење или радикален пресврт со Сириза и Ципрас, кој ја отфрла политиката на штедење и бара редефинирање на сите договори за кредити. Ципрас на бирачите им вети дека ќе ги преиспита договорите за кредитите на ЕУ и финансиските организации кои треба да ја извлечат Грција од економската криза и дека ќе бара подобри услови за отплата и обемен отпис на долговите. Стапката на невработеност во Грција е околу 25 проценти. Самарас предупреди дека е опасно да победи Сириза во ситуација кога мерките за штедење почнале да даваат резултати.

„Сириза ќе ги сврти сите во Европа против Грција“, рече тој. За следење на изборите во Грција, акредитирани се повеќе од 900 новинари од 50-тина земји од светот, што е најголема медиумска заинтересираност досега

  • 16x9 Image

    Мирјана Спасовска

    Родена е во Скопје 1971 година. Од 1996 та година работи во телевизиската кука А1. Од 1998 та година е во телевизијата Телма каде за централно информативната емисија известува за дневни социјално - општествени теми.  Во Радио Слободна Европа е од 2002 та година.  

XS
SM
MD
LG