Достапни линкови

Најмалку 11 убиени во напад врз француски сатиричен магазин


Најмалку 11 луѓе, меѓу кои двајца полицајци и еден новинар, се убиени во денешниот напад врз канцелариите на францускиот сатиричен магазин Шарли Ебду во Париз, соопшти француската полиција. Во нападот има и 10 ранети, а некои од нив се во критична состојба.

Весникот постојано добива закани поради објавувањето карикатури на пророкот Мухамед.

Претседателот Франсоа Оланд, кој пристигна на местото на настанот, изјави дека нападот е „терористички акт“. Тој наводно за денеска свикал итна владина седница.

Новинската агенција Асошиејтед прес, повикувајќи се на очевидци, објави дека повеќе вооружени лица биле вклучени во нападот и оти носеле маски.

Телевизиската мрежа Си-Ен-Ен објави дека имало двајца напаѓачи и оти пукотниците траеле околу 5 минути.

Поранешните простории на весникот Шарли Ебду беа уништени во подметнат пожар во 2011 година, кој веројатно беше мотивиран од посебно издание на магазинот во кое имаше карикатури поврзани со исламот.

XS
SM
MD
LG