Достапни линкови

Работниците од Тузла стигнаа на границата со Хрватска


Дел од револтираните работници од четири банкротирани фабрики од босанскиот северен град Тузла денеска пристигнаа пеш до градот Орашие, што се наоѓа на границта со Хрватска, јавија хрватските медиуми. Босанските работници планираат да бараат азил во Хрватска или некоја друга земја членка на Европската унија. Тие денеска ќе се обидат да влезат во Хрватска. На почетокот на својот 77 километарски протестен марш во средата работниците изјавија дека ќе бараат помош во која било земја членка на ЕУ. Демонстрантите бараат од кантонските власти во Тузла да добијат еднократна помош од 400 конвертиблни марки или 200 евра, да ги добијат заостанатите плати и да можат да користат некои од работничките права како придонеси за пензија. На протестниот марш учествуваат околу 200 работници. Во Босна и Херцеговина невработеноста достигнува над 40 проценти. Според постоечките закони не е дозволено намалување на бројот на работници, но често вработените остануваат без исплатени плати.

XS
SM
MD
LG