Достапни линкови

Обама означи крај на борбената мисија во Авганистан


Американскиот претседател Барак Обама означи крај на борбенатa мисија во Авганистан со одавање признание на американската војска за Божиќ. Во базата на Хаваи, Обама им порача на војниците дека нивните жртви овозможиле помирен и попросперитетен свет по терористичките напади врз Соединетите држави во септември 2001 година. „Поради ваквата исклучителна служба на американските сили, Авганистан има шанса за обнова, а ние сме побезбедни бидејќи таа земја нема да биде извор на терористички напади повторно“, рече Обама. Соединетите држави и НАТО ги повлекуваат повеќето трупи од Авганистан до крајот на годинава, оставајќи околу 13 ипол илјади војници како поддршка на авганистанските сили.

XS
SM
MD
LG