Достапни линкови

logo-print

Убиен американскиот новинар киднапиран во Јемен


Американскиот секретар за одбрана Чак Хејгел рече дека американскиот новинар Лук Сомерс бил убиен од бунтовниците за време на операцијата за негово ослободување од киднаперите од Ал-Каеда во Јемен. Во соооштението на Хејгел објавено за време на посетата на Авганистан се наведува дека Сомерс бил убиен од бунтовниците за време на операцијата. Вториот заложник кој не е американски државјанин исто така бил убиен при обидот за спасување. Според Хејгел операцијата била оправдана оти имале убедливи причини да веруваат оти животот на Сомерс бил во опасност. Локалниот огранок на Ал-Каеда во Јемен на четврти декември објави видео на кое се гледа Сомерс а тие се закануваат дека ќе го убијат за три дена ако Вашингтон не ги исполни нивните барања кои не беа наведени. Сомерс беше киднапиран лани во септември во јеменскиот главен град Сана.

XS
SM
MD
LG