Достапни линкови

logo-print

Турскиот премиер во посета на Грција


Турскиот премиер Ахмет Давутоглу.

Турскиот премиер Ахмет Давутоглу.

Турскиот премиер Ахмет Давутоглу денеска пристигна во дводневна посета на Грција, поради што во Атина се зајакнати мерките за безбедност и на ограничено време се забранети протести. Во поширокиот центар на Атина е забрането одржување демонстрации, а таа мерка важи до утре до 15 часот, кога турскиот премиер ќе ја заврши посетата. Давутоглу допатува со делегација бизнисмени и девет министри, меѓу кои се министрите за надворешни работи, економија, енергетика, внатрешни работи и царина. Подоцна во текот на денот тој ќе се сретне со грчкиот премиер Андонис Самарас и со претседателот Каролос Папуљас. Предвидена е и средба со Турците кои живеат во Грција и со членови на муслиманската заедница. Давутоглу ќе присуствува и на третиот состанок на Советот за соработка на Грција и Турција. Посетата на турскиот премиер се совпаѓа со утрешната годишнина на убиството на тинејџер во Атина. Убиството, кое пред шест години го изврши полицаец, предизвика масовни протести и нереди.

XS
SM
MD
LG