Достапни линкови

Азилантски трик: Ги напуштаат децата за барем тие да добијат азил


Илустрација.

Илустрација.

Поради затегнатите услови за добивање азил во западноевропските земји, се чини Албанците изнајдоа нов метод, со кој, ваков статус се обидуваат да добијат нивните деца, јави дописникот на МИА од Тирана.

Имено тие ги напуштаат сопствените деца, свесни дека нив нема да ги протераат, со цел тие да остварат правото на азил. Само во Франција за два месеца, во август и во септември, од сопствените родители напуштени се повеќе од 20 деца.

Властите во Тирана алармираа за оваа појава, а полицијата потврди дека против еден од родителите, Сазан Хабибај, поднела кривична пријава, бидејќи го напуштил тринаесетгодишниот син во Франција.

Загриженост поради сè почестата појава албански деца да се оставаат во Франција неодамна искажа и амбасадорката на оваа земја во Тирана, Кристин Моро.

„Констатиравме раст на присуство на малолетници во нашата земја, кои од сопствените семејства се оставаат во Франција. Престојот на малолетниците во Франција, кои ние ги сметаме за напуштени деца, е една многу чувствителна појава. Сметаме дека местото на децата е кај нивните семејства, а не во центрите за азил“, изјави Моро.

Стотици семејства од Албанија, според тамошните медиуми, во изминатите месеци се обиделе да добијат азил во Франција, но поголем процент од нив се вратени назад.

XS
SM
MD
LG