Достапни линкови

Претставничкиот дом со осуда за претседателот Обама


Американскиот Претставнички дом изгласа резолуција за осуда за претседателот Барак Обама затоа што не му дал на Конгресот информација 30 дена однапред за размената на петмина талибански лидери кои беа затворени во Гвантанамо Беј за американскиот војник Боу Бергдал што се случи минатиот мај. Претседателот на Претставничкиот дом, Џон Бонер, соопшти дека со ослободувањето на талибанците, администрацијата на Обама „ги направила Американците понебезбедни“. Долниот дом, во кој мнозинството го имаат републиканците, со 249 гласови за и 163 против ја донесе необврзувачката резолуција со која „се осудува и не се одобрува неуспехот на администрацијата на Обама“ да обезбеди известување за размена на заробеници 30 дена однапред. Бергдал беше единствениот американски војник заробен од талибанците во војната во Авганистан. Околностите за неговото заробување сè уште не се целосно разјаснети. Тој беше во заробеништво скоро пет години и во резолуцијата се изразува „олеснување што тој безбедно се вратил во САД“.

XS
SM
MD
LG