Достапни линкови

Нарушено примирјето во источна Украина


Експлозии од гранати денеска одекнале во близина на Доњецк во источна Украина по што се зголемија стравувањата дека дводневниот прекин на огнот може да пропадне. Гранатирањето дошло од правец на областа околу аеродромот во Доњецк кој е под контрола на владините сили, но од мај е мета на напади од проруските сепаратисти. Ноќеска во градот Мариупол на Азовското Море, кој е под контрола на владините сили, исто така биле забележани сериозни прекршувања на примирјето кога владините сили биле нападнати се ракетен оган. Претходно, претседателите на Украина и на Русија, Петро Порошенко и Владимир Путин, сооштија дека прекинот на огнот во најголем дел се почитува, но оти се чини кревок. Кабинетот на Порошенко вчера соопшти дека двајцата претседатели разговарале телефонски за тоа како да му дадат на примирјето „стабилен карактер“.

XS
SM
MD
LG